ბუნებისმეტყველებისა და ბიოლოგიის გაკვეთილების შესახებ საუბრისას უმრავლესობას, ალბათ, ცხოველების ჩონჩხები, ადამიანის ორგანოების მოდელები, მცენარეთა მულაჟები, მიკროსკოპში მიკროპრეპარატების დათვალიერება ან ყველაზე ცუდ შემთხვევაში - მხოლოდ თეორიის გადაცემაზე ორიენტირებული გაკვეთილები გახსენდებათ. არადა აღნიშნულ გაკვეთილებზე ექსპერიმენტების ჩატარებისა და თეორიის გადაცემის გარდა, შეიძლება ისეთი აქტივობების შეტანაც, როგორიცაა - სხვადასხვა ტიპის სავარჯიშოებზე მუშაობა. ისინი მოსწავლეებსაც ძალიან მოსწონთ და ამავე დროს, მასწავლებელსაც ეხმარება - მკვეთრად გაზარდოს საგაკვეთილო პროცესში კლასის ჩართულობა, მასალის გაგება-დამახსოვრების დონე და განავითაროს მოსწავლეებში დაკვირვების, მსჯელობის, ანალიზის, შედარების, სინთეზის უნარები.
V-VIII კლასების ჩათვლით წელს ყველა კლასში ვცდილობ თემატიკასთან კავშირში მოსწავლეებს შევთავაზო ისეთი სავარჯიშოები, როგორიცაა:
- რომელია ზედმეტი?
- ობიექტი VS ობიექტი, ან მოვლენა VS მოვლენა (ვენის დიაგრამის ან მსგავსება / განსხვავების სხვა დიაგრამის გამოყენებით)
- წინადადებებში გამოტოვებული სიტყვების ჩასმა
- ჭეშმარიტია / მცდარია
- ცხრილების შევსება
- შესაბამისობების დადგენა
- ილუსტრაციებზე მუშაობა
- თანმიმდევრობის დადგენა და სხვ.
მომდევნო პოსტებში შევეცდები გარკვეული ინფორმაცია მოგაწოდოთ აღნიშნული სავარჯიშოების შესახებ :) .
No comments :
Post a Comment