მცენარეების მიერ შემოდგომაზე ნაკლები წყლის მოხმარება ძირითადად დაკავშირებულია იმ ფაქტთან, რომ წელიწადის ამ დროს ისინი ნაკლებად ხარჯავენ წყალს, რადგან:
- დაბალი ტემპერატურისა და გრილი ჰაერის გამო მცენარე ცოტა წყალს აორთქლებს.
- ენერგიის დასაზოგად და გაყინვის თავიდან ასაცილებლად მცენარე კეტავს ბაგეებს, საიდანაც ხდება ტრანსპირაცია (წყლის აორთქლება).
- ფოთლების ჩამოცვენის შემდეგ ხეს აღარ აქვს ის მთავარი ზედაპირი, რომლის საშუალებითაც წყალი ორთქლდებოდა.
- მზის სინათლის შემცირების გამო, ნელდება ფოტოსინთეზი, რომლის მიმდინარეობისთვის აუცილებელია წყალი.
- შემოდგომაზე მცენარე გადადის ერთგვარ „ზამთრის ძილში“, რომლის დროსაც მისი მეტაბოლიზმი მკვეთრად ნელდება. იგი აღარ ხარჯავს რესურსებს ახალი ორგანოების გაზრდასა და განვითარებაზე, არამედ ზრუნავს უკვე არსებულის შენარჩუნებაზე. რადგან ახალი უჯრედები აღარ იქმნება, წყალზე მოთხოვნილებაც მცირდება.
ამგვარად, წყლის დაკარგვის შემცირების გამო, მცენარეს ნაკლებად აქვს ფესვებით მისი შეწოვისა და მარაგის შევსების საჭიროება.
No comments :
Post a Comment