მეხი დედამიწისკენ ყოველთვის ყველაზე მოკლე გზით მოემართება. ამიტომ ის ყველაზე ხშირად ეცემა მაღალ ობიექტებს. თუ ორი სხეული ერთმანეთის სიმაღლისაა, მაშინ მეხი იმ სხეულს დაეცემა, რომელიც უკეთესი ელექტროგამტარია.
როგორ მოვიქცეთ ჭექა-ქუხილის დროს, თუ სახლში ვართ?
- ჩაკეტეთ ყველა კარ-ფანჯარა.
- გამორთეთ ელექტროხელსაწყოები.
- არ მიეკაროთ ტელეფონს.
- არ შეეხოთ წყლიან აბაზანას, ონკანს, ლითონის ნიჟარას, რადგან მეტალი და წყალი კარგი ელექტროგამტარია.
როგორ მოვიქცეთ, თუ ჭექა-ქუხილმა ქუჩაში მოგვისწრო?
- ეცადეთ თავი შეაფაროთ შენობაში ან ავტომანქანაში.
- თუ გარშემო შენობა ან რაიმე თავშესაფარი არ არის, მაშინ დაწექით მიწაზე რკალისებურ მდგომარეობაში. ძალიან საშიშია ამ დროს ამართული დგომა, მაგრამ მიწაზე სწორად გაწოლაც არ შეიძლება, რადგან სველი მიწა შესანიშნავი ელექტროგამტარია და შეიძლება მეხი მიიზიდოს.
- ეცადეთ თავი შეაფაროთ ყველაზე დაბალ ადგილს, როგორიცაა მცირე ზომის თხრილი, ხრამი.
- ტყეში ყოფნისას უმჯობესია დაიმალოთ ბუჩქნარში. არასდროს დადგეთ ცალკე მდგომი ხის ქვეშ, განსაკუთრებით - მუხის, ფიჭვის, ნაძვისა და ალვის ხის ქვეშ.
- გაეცალეთ კოშკებს, მაღალ ხეებს, სატელეფონო და ელექტროსადენებს, ავტობუსის გაჩერებებს, ველოსიპედს, ლითონის საგნებს.
- არ ჩახვიდეთ ტბაში, მდინარეში, ზღვაში.
- მოიხსენით მეტალის ნივთები და სამკაულები.
- არ გამოიყენოთ ქოლგა და მობილური ტელეფონი.
- არ დადგეთ ხალხში.
- თუ ჭექა-ქუხილი ნავში მოგისწრებთ და ნაპირზე გაცურვას ვერ მოასწრებთ, მაშინ დაწექით ნავის ფსკერზე, შეატყუპეთ ფეხები და დაიფარეთ რაიმე თავსა და ყურებზე.
როგორ მოვიქცეთ, თუ ჭექა-ქუხილმა მანქანით მგზავრობისას მოგვისწრო?
- გააჩერეთ მანქანა, ამოსწიეთ ყველა ფანჯარა, ჩაწიეთ რადიოანტენა და რაც მთავარია - არ გადახვიდეთ მანქანიდან. მთლიანად დახურული მანქანის შიგნით თქვენ სრულიად უსაფრთხოდ ხართ, მიუხედავად იმისა, რომ მანქანა ლითონისგან არის აგებული,
- თუ თქვენი ტრანსპორტი ველოსიპედი ან მოტოციკლეტია, სასწრაფოდ შეწტყვიტეთ მოძრაობა და დაშორდით მას დაახლოებით 30 მეტრის მანძილზე.
No comments :
Post a Comment