9 შეკითხვა 1 ნახატის შესახებ

     მოცემული ტესტით შეგიძლიათ შეაფასოთ, რამდენად ყურადღებიანი ხართ და ამჩნევთ თუ არა გარშემო წვრილმან დეტალებისაც კი. 

     ყურადღებით დააკვირდით ნახატს და უპასუხეთ ქვემოთ მოცემულ 9 შეკითხვას:

1. რამდენი ტურისტი ცხოვრობს ამ ბანაკში?

2. როდის მოვიდნენ ისინი აქ: დღეს თუ რამდენიმე დღის წინ?

3. რით მოვიდნენ ისინი?

4. ბანაკიდან შორს არის თუ არა უახლოესი დასახლება?

5. საიდან ქრის ქარი - ჩრდილოეთიდან თუ სამხრეთიდან?

6. დღის რა მონაკვეთია ახლა?

7. სად წავიდა მათე?

8. ვინ იყო გუშინ მორიგე? (დაასახელეთ სახელი)

9. რომელი რიცხვი და რომელი თვე შეიძლება იყოს ახლა?

პასუხები:

1. ოთხი ტურისტი: სუფრაზე დევს 4 კოვზი და 4 თეფში. ასევე ხეზე გაკრულია მორიგეობის სია, რომელზეც 4 ადამიანი წერია.
2. რამდენიმე დღი წინ, რასაც ადასტურებს კარავსა და ხეს შორის ობობას სქელის არსებობა.
3. ნავით მოცურდნენ - ხეზე ნავის ნიჩბებია მიყუდებული.
4. არ არის შორის, რადგან ბანაკთან ახლოს ქათამი დადის.
5. თუ ფიჭვებს შევხედავთ, ცალ მხარეზე მათ ტოტები სუსტად აქვთ განვითარებული, რაც ჩრდილოეთ მხარეს მიანიშნებს. ქარის მიმართულებაზე მიუთითებს კოცონის ალის დახრილობა - ის სამხრეთიდან ქრის.
6. წინა პასუხიდან გამომდინარე, უკვე ცნობილია სამხრეთ და ჩრდილოეთ მხარეები. ერთ-ერთი ტურისტის ჩრდილი მიმართულია დასავლეთით, ე.ი. მზე ანათებს აღმოსავლეთიდან და ახლა დილაა.
7. მათე წასულია პეპლების დასაჭერად - ბუჩქნარის მიღმა მოჩანს პეპლების საჭერი ბადე.
8. დღეს მათე არ არის მორიგე (ის პეპლებს იჭერს), არც ვანო (ის თავის ზურგჩანთას ალაგებს, რომელსაც „ვ“ ასო აწერია), არც ნიკა (ის ფოტოებს იღებს, მის ზურგჩანთაში კი, რომელსაც „ნ“ ასო აწერია - შტატივი დევს). ე.ი. დღეს დათო მორიგეობს, გუშინ კი ვანო მორიგეობდა.
9. დღეს დათო მორიგეობს, ე. ი. 8 რიცხვია. ფოთლები, ყვავილები და პეპლები მიუთითებს, რომ ზაფხულია. ტურისტებს საზამთროც აქვთ. საზამთრო კი აგვისტოში მწიფდება.